prøvemontering av rekker på jagerbro

 feste for pullpit med store skiver

 bak sete med nedgang til akter lugar og toalett

 toalett

 sove plass akter

 trapp ned til akter sove lugar og toalett

 badeplattform før

Kloster Artic Patrol P36 (Prototype)

No er styrehuset forlenga og støypt ihop. Det er bygd stolfundament på jagarbru til to stolar. Dashbord inne er bolta og plastra fast, og no er eg i full gong med trapp ned til lugar og toalett akter.

 

Kloster Artic Patrol P36 PROTOTYPE

Då er eg komen godt i gong med kutting, tilpassing og ikkje minst plastring av deler til vårt nye prosjekt. Det er som eg har skrive om tidlegare i bloggen P36 prototype. Det som eg no har tilpassa er styrehus med jagarbru.

Utan om dette er det støypt inn diverse dørkar i styrehus, i tillegg til ankerskott to stykker. Baugtrøstartunnell og motorfundament er og på plass. Skott mellom lugarar og motorrom er støypt, så her kjem delane på plass og båten byrjar etterkvart å sjå heil ut. Puslebitane fell på plass :)

Svakt bygd akterspegel på skjærgårdsjeep

Ein kunde kom med eit lite sår under ein båt, han lurte på om det lot seg reparere. Det kunne det og kunden kom med båten til meg. Han hadde eit tilleggsspørsmål då han overleverte båten, han hadde oppdaga sprekker i gelcoaten på akterspegelen. Etter litt bøying og bending på påhengsen kunne det sjå ut som spegelen var delaminert eller sprukken. Me vart einige om å ta denne skaden med samstundes.

Då eg hadde fjerna påhengsen viste det seg at akterspegelen hadde ein stor sprekk. Største delenen av denne jobben vart å forsterke akterspegelen, arbeidet med det vesle såret vart lite i forhold.

Dårleg vedlikehald

For dei som lurer på kva som kan skje om ein ikkje tek vårpuss på båten under vatnlinja. Slik vil det sjå ut etter nokre år:

Det resulterte i 28 10 liter bøtter med blåskjell og anna groe. Det vil sei ca. 250 kg med blåskjell som måtte skrapast av. Eg laga meg ei sparkelskei av tre for å ikkje skade bunnstoff/gelcoat då det skulle fjernast. Det var effektivt å bruke den og det vidare arbeidet viste seg å vera omfattande. Det innebarr både ei roterande stålbørste og vanleg handstålbørste. Då båten var reingjort måtte den primast med to-komponent epoxyprimer før bunnstoff.

Heldigvis hadde det ikkje stått landstrøm på båten, så sinkanodane hadde holdt og drevet var inntakt. Trimflapsen derimot var tom for sink og hadde store tæringsskadar. Alle belgane og pakningane vart skifta på drev i tillegg til drevolje, til dette arbeidet har eg ein dyktig kompanjong; Ketil Isdal, han fiksar denne jobben lett. Då kunne båten fint sjøsettast att, med håp om betre stell.